II Foro Galego da Débeda

Acciones, Entendiendo la deuda, Noticias, Portada

2foro

Cara onde imos coas políticas de recortes? De onde vén a débeda da que escoitamos falar? Como nos organizamos para defender os nosos dereitos contra a austeridade da troika?

O nodo galego da Plataforma pola Auditoría Cidadá da Débeda (PACD) tentará responder estas e outras preguntas o próximo día 25 de maio, sábado, no II Foro Galego da Débeda. A cita terá lugar durante todo o día, en horario de 10 a 14 e de 17 a 21, no Centro Social do Castiñeiriño, en Compostela.

Desde a PACD, temos claro que todos os ataques que hoxe estamos a sufrir (recortes, desafiuzamentos, privatizacións, preferentes, etc.), teñen como cuestión de fondo á débeda. A débeda é empregada como xustificación das políticas de austeridade, que trasvasan de xeito imparable os fondos públicos a mans privadas.

Por iso, reclamamos o noso dereito a coñecer os detalles do proceso que nos trouxo a esta situación. Pretendemos entón levar a cabo unha auditoría da débeda, que permita determinar a situación real da mesma e esixir o impago da parte que sexa ilexítima, así como que os culpables desta situación asuman a súas responsabilidades.

Entendemos a auditoría como un mecanismo de empoderamento, que contribúa a recuperar a soberanía dos pobos a través de espazos de aprendizaxe e metodoloxía de democracia participativa, dotando á sociedade dunha ferramenta a través da cal loitar pola transparencia, a democracia e a xustiza social. Por iso, non aceptaremos ningunha auditoría que non sexa cidadá.

Neste contexto, e neste camiño que estamos aínda comezando a percorrer, que perseguimos con este foro?:

1) Seguir dando a coñecer o problema da débeda á sociedade, aclarar por qué esta palabra é tan trascendental nos nosos destinos. Para iso, trataremos de responder dúas preguntas sinxelas:
Por qué non debemos? (Mecanismo de xeración da débeda, por Marta Rodríguez)
Por qué non pagamos? (Consecuencias que ten o seu pagamento, por Carlos Taibo)

2) Que os distintos colectivos en loita visualicen como lles afecta a débeda e en que medida unha auditoría da mesma no seu sector podería resultar útil, de modo que o impago da débeda comece a facer parte das súas reivindicacións.

3) Avanzar no vencellamento de loitas, coa débeda como fío conductor. Pretendemos dar pasos para unha resposta social conxunta ás políticas de austeridade.

O Foro Galego da Débeda non pretende ser unha clase maxistral ou un conxunto de charlas, senón un espazo de contacto, de coñecemento e de debate colectivo. Desexamos que deste encontro saian propostas de futuro e de traballo conxunto.

Para isto, é vital a vosa participación, polo que vos animamos a vir ao II Foro Galego da Débeda.

E fagamos que o grito resoe cada vez con máis forza: NON DEBEMOS, NON PAGAMOS!

>>>>>>>>>>>>>>>>>> Evento en fb

Share

Contracumio europeo: Acción en Ourense “Adoración da Santa Débeda”

Acciones, Sin categoría

Este pasado día 14 celebrouse o Cumio Europeo en Bruxelas, e como protesta á forma de gobernar antepoñendo a débeda ós intereses dos cidadáns, celebrouse en moitos pontos de Europa o denominado Contracumio, con accións coma esta de Ourense:

65568_10200276194580644_407289217_p

Sacamos unha faixa co lema “contracumioeuropeo 14 a 16 de marzo pola Europa das persoas e non dos mercados” e fixemos este sainete diante de dous bancos da Rúa do Paseo. Lemos o manifesto de xeito itinerante e repartimos  500 sobres co manifesto dentro.

NON DEBEMOS, NON PAGAMOS, CONTRA A EUROPA DOS MERCADOS

 

Share

Accións en Galiza contra o cumio da UE (gal/cast)

Acciones, Portada

Estes próximos días celébrase un novo cumio europeo. Cumio que coma sempre centrará todos os seus esforzos no que chaman “recuperar a confianza dos mercados”. Mercados e institucións causantes desta situación de extremas dificultades que estamos a vivir.

Hoxe estase a gobernar a través da débeda pública. Unha débeda pública que ten unha das súas orixes na propia Unión Europea, que desde a firma do Tratado de Maastricht, obriga ós Estados a se financiar a través dos bancos privados, coa usura que iso supón. Unha Europa que da continuos pasos afastándose cada vez máis da democracia e a soberanía dos pobos, con novos e escuros Tratados coma o MEDE (Mecanismo de Estabilidade Financeira).

http://auditoriaciudadana.net/wp-content/uploads/2013/03/cinesock.png

Continue reading

Share